“老板，整碗葛菜水嚟饮下”

“梁太，点解呢排日日都唔见你?”

“去咗日本啊，一落机就即刻跑过嚟帮衬啦”

……

喺香港九龙城龙岗道嘅“陈仔”凉茶铺

经常都会遇到啲街坊同老板

好似亲人咁倾计

或者

呢啲就系无论香港人

抑或系我哋顺德人

都好中意嘅人情味！

赖生，顺德人，系“陈仔”嘅第二代继承人，“陈仔”嘅创始人系赖生嘅外公，赖生喺25岁嘅时候就已经落香港帮外公打理凉茶铺，之后就尽得外公噶真传，真正成为“陈仔”第二代传人。

无捻过，“陈仔”从 日开张到依家一开就系72年，如今赖生都已经75岁，早已两鬓斑白。到底系乜嘢，可以令赖生坚守住凉茶呢个行业咁多年呢？

用赖生赖太嘅话讲就系：“啲街坊饮咗我地嘅葛菜水，食咗我地嘅龟苓膏，身体就健健康康，无病无痛，咁可以帮到人同时，又可以搵到两餐，我哋就好开心?啦！”

冇错，七十年如一日，始终坚持帮人嘅理念，以及对出品质量嘅严格把关，先可以铸就今日嘅辉煌成就，无论大大小小嘅香港明星都系常客，而且上过香港各大报刊头条，接受过好多节目采访，甚至有位阿伯不惜每日来回坐4个钟车，都净系为咗饮一碗葛菜水……

可惜岁月不饶人，赖生年事已高，加上脚患，即使有几唔舍得都好，都要忍痛结业。经营期间有好多人想学师，更有4、5个人出高价话要接手“陈仔”，都比赖生一一拒绝左，因为赖生深知，做街坊生意一定要有爱心，一定要全心全力做好，所以佢宁愿选择结业都唔敢冒险让俾其他人。

年12月31日结业当日，非常多明星、街坊、顾客都好唔舍得，“有啲老街坊一落飞机，就拖住行李箱马上赶过嚟，就系想饮 一碗葛菜水，但系嗰日好早就卖晒，佢地饮唔到，就系度喊晒咁……”讲到呢度，赖太亦都控制唔住自己嘅眼泪……

▲赖生和*金姨

眼睇住72年嘅心血就咁要失传，*金姨觉得非常可惜，于是佢决定，将“陈仔”带翻嚟顺德，继续喺顺德呢度传承落去。

*金姨，佛山南海人，系赖生嘅姨甥女，佢之前一得闲就会落香港帮赖生手，所以对于葛菜水同埋龟苓膏嘅制作都非常了解。呢一次嘅决定，得到咗赖生赖太嘅肯定，于是乎“陈仔”又继续落系第三代传人——*金姨手入面，正式喺陈村落地生根。

将“陈仔”交俾*金姨之后，赖生赖太其实并唔系话完全放心晒，所以佢哋都经常都会翻嚟陈村，亲自指导，手把手咁教*金姨。所有药材、细节、步骤等等都要跟足， 唔可以马虎，更加唔可以破坏“陈仔”72年嘅美誉。

“陈仔”72年净系做两样嘢，一系葛菜水，二就系龟苓膏。无论系以前九龙城店，抑或系而家嘅陈村店，选用嘅药材全部都系从香港大药房进货，制作葛菜水同埋龟苓膏所用到嘅材料一样都唔可以少。

“陈仔”葛菜水

葛菜水其实就系用晒干咗嘅野葛菜、九肝菜、罗汉果、鸡骨草等十几种药材，先后经过大火、中火、细火以及焗等步骤煲成，少一种药材，少一个步骤都唔得，从夜晚8点一直煲到第二朝早上6点，悭啲功夫都唔掂。

清澈见底，其实味道有点奇怪，咸中带甜，甜完之后又有小小回甘，老少咸宜。

▲加D盐花下火效果更好

一般嘅凉茶会偏寒，饮多咗会唔好，但系“陈仔”葛菜水唔会，由十几种药材搭配煲成，所以就连女性嚟M、7个月后嘅孕妇都可以饮，即使日日饮一碗都冇问题。

▲葛菜水功效

“陈仔”龟苓膏

龟苓膏系用土茯苓、沙参、玉竹、半枝莲、舌草等二十八种药材，煲足10个钟，再起渣几次，隔干净凝固之后制成，前后起码花费两日时间。

味道唔会好苦，食入口起胶，滑滑溜溜，有好香嘅中药味，可以自行随意搭配乌糖浆或者乌糖粉食用。

▲乌糖浆和乌糖粉

▲看得见嘅精华

▲滑滑溜溜

▲龟苓膏功效

陈村呢间“陈仔”，铺头里面所有嘅招牌、牌匾、对联、报刊、合照等等，都系*金姨同佢老公陈生喺香港人肉带翻嚟，可以系香港攞嘅，都已经全部攞晒，尽量保持翻原貌，甚至系铺头里面嘅价格纸，都系由赖生亲笔书写。

▲罗乐林、郭晋安都系熟客

▲金刚同小仪做过采访

▲咁多年嚟嘅珍贵资料

▲上过香港各大报刊头条

陈村凉茶铺周街都系，但“陈仔”葛菜水专门店就此一家，做街坊生意，为街坊着想，72年嚟一直贯穿住三代人。依家，我哋应该为“陈仔”可以继承落去而感觉开心，以后我哋净需要记住：消暑解*就搵“陈仔”！

更多更好嘅传统

要靠我哋继承落去

要靠我地宣扬开去

到店有可能偶遇赖生赖太

不妨去听听佢地同街坊嘅故事？

陳仔

-地址-

陈村镇合成社区居民委员会丽花楼1号、2号之三

（农贸市场公交站旁）

-时间-

周一至周日

9:30-22:30

-电话-

?今日话题?

你最印象深刻的传统老店？

#写留言说出你的故事

编辑排版：史堤芬

素材来源：佛山吃货部落

{生活君精选}

点击图片查看精彩内容

▽▽

商务合作联系

赞赏

长按







































有关白癜风
北京中科医院好不好